Was?

Egal ob emporgstige us de Untiefe vom Basler Jazz- und Brass- (ergo «Brazz-») Sumpf oder eifach an irgend ere Karaokeparty oder uf dr Strooss ufgläse ... an dr Fasnacht 23 hämmer 's erscht mol as «La Brazzerie» d' Basler Gasse, Beize und Käller unsicher gmacht.

Irgendwo im magische Triangel zwüsche Gugge, Clique und Bänggler dätsche mer dir fetti Gassehauer mit sälberbaschtlete Basler Lyrics um d' Ohre, ass dr Sogge blatze, hösch!

Unseri heiligi Mission: D' Danzmusig zrugg an d Fasnacht bringe!

Frooge? Sölle mer by dir s' Stüübli emol richtig guet durefääge oder dym Verein gründlig d' Kuttle butze? Schryyb ys an info@labrazzerie.ch

Und wemmer grad derbyy sin: Mir hänn de facto e neus Genre erfunde:

Dr Schnitzelbrazz!

Wenn?

Unsri näggschte öffentlige Spiildate sin ...

Fasnachts-Zyschtig 2024

18:00 Blatzkonzärt unter dr Mittlere Brugg im Glaibasel, denne ...
Fixpunkt 1: 20:00 uf em Rhystärn
Fixpunkt 2: 23:30 im Innehof Schlüsselzunft
Generell eher Grossbasel

Fasnachts-Mittwuch 2024

18:00 Blatzkonzärt unter dr Mittlere Brugg im Glaibasel, denne ...
Fixpunkt 1: 19:30 in dr Linde (Ueli-Brau-Bar)
~~Fixpunkt 2: 23:30 im Volkshuus~~
Generell eher Glaibasel

Zytte könne variiere - fasnächtligi Gmietligkeit isch oberschts Gebott *chill*

Wo?

Mir tingle dur d' Käller und Spelungge vom Gross- und Glaibasel.
Im Summer spile mer as Streetband wo's uns grad basst.
Mir spiile aber sehr au gärn an dym Feschtli. Jooo, vo uns us au z' Binnige ... und wenn's unbedingt muess sy sogar z' Prattele (that's how crazy we are). Alles easy.
Wie gseit, schryb ys eifach an info@labrazzerie.ch

Wie?

Luuuege!

Haftigsusschluss
Mir übernämme kei Haftig für spontani Endorphin-Eggsplosione,
transzendänti Traumzueständ
und orgasmischi Ovatione
durch dr übermässigi Konsum vo unsere poetisch-groovig-abdreihte Beschalligsruschmittel.