Was?

Emporgstige us de Untiefe vom Basler Jazz- und Brass- (ergo «Brazz-») Sumpf oder eifach an irgend ere Karaokeparty oder uf dr Strooss ufgläse ... sit dr Fasnacht 23 mache mer as fasnächtligi Muusigbandi «La Brazzerie» d' Basler Gasse, Beize und Käller unsicher.

Irgendwo im magische Triangel zwüsche Gugge, Clique und Bänggler dätsche mer dir fetti Gassehauer mit sälberbaschtlete Basler Lyrics um d' Ohre, ass dr Sogge blatze, hösch!

Unseri heiligi Mission: D' Danzmusig zrugg in die fasnächtlige Spelungge bringe!

No Frooge? Sölle mer by dir s' Stüübli emol richtig guet durefääge oder dym Verein gründlig d' Kuttle butze? Schryyb ys an info@labrazzerie.ch

Und wemmer grad derbyy sin: Mir hänn de facto e neus Genre erfunde:

Dr Schnitzelbrazz!

Wenn?

Unsri näggschte öffentlige Spiildate sin:

SchmuDo Lozärner Fasnacht

Do 12.02.2026

15:00 Café La Suisse (Doorzögli)
16:30 Brauerei Rathaus
17:30 Stiefelplatz für d' Handwage-Liebhaber:in-Gsellschaft
18:15 Bodu
20:30 Restaurant Magdi
21:00 Jazzkantine Jazzkantine
To be continued ...

Fasnachts-Käller-Vorgliehe

Fr 20.02.2026

20:00 Blatzkonzärt unter dr Mittlere Brugg im Glaibasel
21:00 Schoofegg
23:30 Ohrengrüblerkäller

Ladärnli-Ybrazze

So 22.02.2026

15:30 vor em Rhyläx Café

Pratteler Fasnacht

So 22.02.2026

Ab 17:00

Basler Fasnacht 2026

Di 24.02.2026

18:00 Blatzkonzärt unter dr Mittlere Brugg im Glaibasel
19:15 Foyer Stadtcasino
20:15 Brandholz
21:15 Kraft (Chromosömli)
22:10 Torstübli (Rumpel)
und no in gangz vyyle andere Ruum-Zyt-Kontinuümmer (generell eher im Grossbasel)

Mi 25.02.2026

18:00 Blatzkonzärt unter dr Mittlere Brugg im Glaibasel
19:15 Nomad (Verschnuufer)
21:15 Spalebar (Chromosömli)
und no in gangz vyyle andere Ruum-Zyt-Kontinuümmer (generell eher im Glaibasel)

Zytte könne variiere - Gmietligkeit isch oberschts Gebott
*chill*

Wo?

Mir tingle dur d' Käller und Spelungge vom Gross- und Glaibasel.

Mir spiile aber sehr au gärn an dym Feschtli. Jooo, wenn's syy muess au in verschloofene Näschter wie Binnige ... und wenn's unbedingt muess syy sogar z' Prattele (that's how crazy we are). Alles easy.
Wie gseit, schryb ys eifach an info@labrazzerie.ch

Wie?

Luuuege!

Haftigsusschluss
Mir übernämme kei Haftig für spontani Endorphin-Eggsplosione,
transzendänti Traumzueständ
und orgasmischi Ovatione
durch dr übermässigi Konsum vo unsere poetisch-groovig-abdreihte Beschalligsruschmittel.